Ola de novo!
Na entrada anterior rematei falando
sobre a LOMCE, a lei orgánica para a mellora da
calidade educativa aprobada en novembro de 2013, e que modifica a lei anterior,
a LOE. Concretamente comentei dous dos
motivos que se tiveron en conta á hora de tomar esta decisión e de deseñar un
novo proxecto educativo: os profundos cambios aos que se está enfrontando a
sociedade na actualidade e os malos resultados obtidos nos estudos e enquisas
europeos que demostran que os resultados dos estudantes españois non sobrepasan
a media.
Máis adiante, na entrada da unidade
7, falarei máis especificamente sobre cales foron os estudos e enquisas que se
tiveron en conta, así como das cifras acadadas, para facer unha pequena análise
do posto que ocupa España en relación cos outros países participantes neste
tipo de proxectos.
Neste apartado gustaríame centrarme
nas ideas da LOMCE, para desta maneira, analizar cales
son as súas propostas para mellorar as competencias dos estudantes españois.
Máis en concreto, voume centrar no tema das linguas estranxeiras, e no trato
que se lles da a estas na nova lei educativa.
Segundo o punto de vista da LOMCE, é imprescindible unha mellora neste
aspecto, xa que, como ben comentei en entradas anteriores, o dominio de varias
linguas estranxeiras non só abre máis portas no ámbito persoal, se non tamén no
profesional. A raíz de isto, proponse na nova lei, o dominio dunha segunda, ou
de incluso, dunha terceira lingua estranxeira, xa que España é un dos poucos
países nos que solo hai unha lingua estranxeira obrigatoria na secundaria.
Pero, antes de introducir máis
linguas estranxeiras como materias obrigatorias na ensinanza, quizás se debería
de estudar o motivo polo que os estudantes españois seguen obtendo malos
resultados nos estudos europeos en canto á súa competencia nunha lingua
estranxeira, neste caso o inglés, a lingua que máis se estuda en Europa nos
colexios como primeira lingua estranxeira.
Ao redor desta problemática xorden
dúas propostas para mellorar este aspecto: as probas estandarizadas de idiomas e a avaliación dinámica como alternativa ás PAU. Para falar destes dous puntos, voume
apoiar en dous textos:
2.
Beneficios de la Evaluación Dinámica para la Prueba Final de
Bachillerato de Nuria Otero de
Juan.
A proposta do primeiro documento é a
realización dunhas probas de carácter estandarizador, en dúas etapas educativas
distintas (6º EP e 4º ESO), que servirían para que os alumnos tivesen un acceso,
de carácter voluntario, a recibir un certificado oficial do seu dominio, neste
caso, do inglés. E, o segundo documento achéganos unha alternativa ás PAU, a avaliación dinámica como Proba Final
de Bacharelato.
O que teñen en común ambos documentos
é que parten do mesmo punto, que é mellorar a competencia do alumnado na lingua
estranxeira, e o seu obxectivo é tamén o mesmo, conseguilo gracias ao beneficio
do impacto positivo que causa a avaliación na calidade de aprendizaxe dos
alumnos. Noutras palabras, normalmente traballamos mellor e de maneira máis
eficaz cando temos un obxectivo claro que cumprir, por iso as autoras destes
textos propoñen darlle máis importancia ás avaliacións para que, así, se
modifique o proceso de aprendizaxe, debido a que ter como meta unhas probas de carácter
estandarizador, por exemplo, supón practicar máis e, polo tanto, mellorar.
A problemática que suxiren estas
propostas é que ter unha meta deste tipo pode restarlle importancia ao propio
proceso que leva cara á meta, o proceso de aprendizaxe, e que desta maneira os
alumnos estuden soamente con vistas á superación deste tipo de probas. En
consecuencia, podería xurdir un tipo de competitividade entre eles que levaría
a moitos puntos distintos da igualdade, xa que solo aqueles que contasen cos
medios e recursos suficientes, se poderían preparar de maneira axeitada para a
superación da proba, creando desta maneira, desigualdade.
Referencias:
- Ministerio de Educación, Cultura e Deportes. Lei orgánica a para a mellora da
calidade educativa(LOMCE) (Lei Orgánica 8/2013, 9 de decembro). Boletín
Oficial do Estado, nº 295, 2013, 10 decembro.
- Gozalo Ausín, A. 2014.
Hacia el Impacto Positivo de la Evaluación: Pruebas Estandarizadas de Idiomas. Avances en Supervisión Educativa. ISSN:
1885-0286
No hay comentarios:
Publicar un comentario